Lengzem - Ka hla phuah ve thenkhat te

Ka hla phuah then khat te an ni a, a thluk siam sa vek an ni bawk.
Hla thenkhat phei hi chu enchhin nan tiin keiman ka record a, 
he Blog. ah vek hian MP3 a dah an ni bawk. 

                                              Yours: Ronald Lalramsanga
.....................................................................................................
TAH ZAI KA REL LEH THIN   -  13^th Oct,95

1.         Thal favang romei a zam chiai e lunglen an,

            Engtinnge maw ka tuar ang?

            Nang ngaih lunglen reng tawrhthiam a har ngei aw duhlai,

            Ka hlimni leh lawmni paw`n ka nghilh theilo che;

            I tello chuan maw sihnauang nuih zai reng ka rel theilo.

Tinkim dawn chang hian e lung min len aw duhlai,

Zantiang chhawrhthla eng hnuaiah;

Ariangten nang ngaih biahthu zaiin ka chawi thin,

Min hnem zo lo aw! Ka lenrualduh paw`n;

I tello chuan maw ariang valan, tah zai ka rel leh thin.

2.         Heti`ang reng hian maw khuanu pawh hian lo duan le,

            Arang vai tur reng hian maw?

            Kei ka tan chuan maw hlimna leh lawmna a chuaita!

            Ka riang hluan e hringmi zawng zingah,

            I tello chuan maw sihnauang nuih zai reng ka rel theilo.

.....................................................................................................            

BIAHTHU DER                     21^st Sept, 2002

1.         Thal favang romei tlangtin bawmtu zing riai karah,

            Mahten lunglen hrilh zai rel i; Min hnemtu an awm silo,

            Ka riang hluan e hringmi zawng zingah hian;

            Ana asin hmangaih duhlai,

            Ariang ka tahkhua tisei mai tur an maw;

            Biahthu der mai min lo hlan,

            Mahriak ten laikhum belin;

            Ban zai reng rello ten, Tah zai ka rel leh thin.

2.         Ka dawnkir thin a, nangnen hlimten nauang nuih lai,

            Mahrialte a ka suihlunglen; Bang thei hian an mawi si lo,

            Ami tawnah leng mahla Enchimloh;

            Han dawn ve la ariang chan hi,

            Hmangaih biahthu nemten kan hlan lai kha;

            Zantiang chhawrhthla en changin,

            Han hrechhuak ve thin ang che;

            Kei zawng nunhlui mual liam hnu, Nghilh thei hian ka mawilo.

 .....................................................................................................

 KAN INTAWNG LEH ANG   -   24^th Feb, 1994

1.         Aw! Lungduh then hnu kan intawng leh ang,

            Tuanna tlang chu dang rih mah se;

            Hun leh ni leh kumsul pawh vei mah se,

            Lungduh I hun hmangthiam ang che.

Mahse, Lungduh chungkhuanu venna zarah,

Intawn leh ni chu nghakin, Mualza karah leng mah ila;

Tawn leh ni chu ala her chhuak leh ngei ang.

2.         Aw! Khawvel hlimna leh lawmna te hi,

            Ka tan an parvul lo emni?

            Khawvel hlimna leh lawmna par tlan in,

            Lengdang mi zawng an hlim ngei e.

3.         Thangvansang chhawrhthla eng han thlir changing,

            Suihlunglen a zual leh thin;

            I thinlung leh ngaihtuahna zawng zawng te,

            Kan vangkhawpui ah lo lawi se.

 .....................................................................................................

 LENGDANG BELIN             17^th Sept, 1997

1.         Hmangaih duhlai enchimloh te, Lengdang tawnah I hlan tawh si,

            Hmangaihna anka nem mawi tak chu aw!

            Ka tan tawrhthiam a har ngai em!

            Duhlai I tan ka tling ve lo maw.

Hmangaih, hmangaih Lengdang belin,

Leng mahla ka dem chuang law`ng che aw!

Tumtawk khuanu leng ruat ve chu,

Nghah zai ka rel ve zawk mai ta`ng e.

2.         Mahse, ka tan a mawi ve lo, I thinlung hmangaihna duhlai,

            Han dawn ve la nang vanga riang hi aw!

            Ka hmangaihna che hi bawihte,

            Zaiin ka chawi zel zawk mai ta`ng e.

3.         I tan tlinglo teh mah ila, a tawp ber atan chuan duhlai,

            Khawvel hlimna leh lawmna par tlanin,

            Ami tanah va leng ta la;

            Mahten riahrun ka bel mai ta`ng e.

  .....................................................................................................

 SAKHMELTHA                     17^th Aug, 1996

1.         Hmangaihna parmawi ber,

            I tan chauh ka hlan e duhlai;

            Mahse, engvang nge? Ka theih tawk ankanem,

            Puanang I hnawl mai le;

            Ka luahzo lo che maw tleitir sakhmeltha.

Sakhmel tha chungchuang te,

I tan ka tling nem le,

Ka hmangaihna che hi;

Hawktui iang mai hian,

An ral chuang law`ng e.

2.         Enchimloh saron par,

            Kei zawng I tan ka tling nem le;

            Khuanu tuahrem loh! Engdang vang a ni lo,

            I zun ngai a riang hi;

            Kan neih rosum sialin a phaklo a ni.

  .....................................................................................................

ZONUNMAWI                       10^th July, 1999

1.         Aw! Zofa leng zawng te u, muhil harh a hun tawh e,

            He khawvel damlai thlaler chhumpui zing hnuaiah hian;

            Sual tinreng leh lungngaihna ten min hual vel a,

            Sual leh lungngaih hnuchhawn in;

            Hmatiang sawn pheihlai khaiin,

            Kan hun hlu neih zawng te hi;

            Zoram tan I hmang ang u.

Aw! Zonun, Zonunmawi! Ka ngai em che Aw! Ka ngai em che,

I chhungah tlawmngaihna par vul zel se;

I thla hnuai a leng zawng tan malsawmna lo ni ang che.

2.         Lenrual duh zaleng zawng ten, engtin ngai maw Zonun hi,

            Hmana Zonunmawi! Tunah rial ang an dai zo ta e;

            Hnuchhawn ram leh ram riang te hi lenrual te u,

            Hawh u! I dinthar leh ang;

            Taimakna, tlawmngaihna te,

            Thawhrimna leh rinawmna;

            Dikna parang vul ve nan.

 .....................................................................................................

PARANG VUL VE LA          11^th Nov, 2001

1.         Sakhmel tha chuang tleitiri,

            Ankanem a biahthu hlan ka nuam e;

            Ka tawnah parang vul ve la chuan,

            Hlimten nauang ka nui ve tur.

                        Mahse, biahthu ka hlan ngamlo,

                        Engtin tuar zel ang i maw;

                        Lenlai par tlan dun ila chuan e,

                        Tudang reng ka ngai tawh bik law`ng.

2.         Hringmi zaleng zawng zingah,

            Ariang ka dawnkhua tisei mai turan;

            Mawiten maw chungkhuanu reng reng an,

            Alo duan che tleitir hmeltha.

3.         Famkhua ah lawi ta ila,

            Ariang suihlunglen a nem ve mahna;

            Kei zawng ka zamral thei awm mang e,

            I zun lengzam phuar vel hian maw.

 .....................................................................................................

MIN HLAN CHUAN             21^st Nov, 2001

1.         Ka lei hringnun duhaisam,

            Ariang lunglai hnemtu sakhmeltha;

            Dawnlungruk ah aiang I cham reng mai,

            Uai lai I zun phur hi han dawn ve la.

Hlimten nauang nuih zai ka rel ve ang a,

Lengdang reng ka ngai tawh bik nem le;

Ankanem a rinawmna bihthu,

I zunngai ariang tawnah min hlan chuan bawihte.

2.         Mahriakte a suihlunglen,

            Uai lai I zun ngai reng reng hian maw;

            Ariang valan tawrh ka zuam bik nem le,

            Nemten hmangaih biahthu min hlan ve la.

3.         Puanang chul hian a mawilo,

            Uai lai I zunzam phur hmangaihna;

            I zunngai ariang ka lunglawm ve nan,

            I dawnlungruk kimten min hrilh ve la.

 .....................................................................................................

NUNHLUI NGAIHAWM      21^st Nov,2001

1.         Nunhlui mual liam hnu ka thlirin,

            Suihlunglen kimten a tho leh thin;

            Hmanah lungrualte a lengza thinin,

            Rualduh te nen hlim leh lawmin maw;

            Duhthu aiang kan sam za thin.

Kei zawng nunhlui ngai reng reng hian maw!

Hun leh ni ka chhiar liam thin;

Dawnsei changin  lunglen a zual,

Nunhlui ngaihawm mual chu liam tawh mah la;

Nghilh thei reng hian ka mawilo che nunhlui ngaihawm.

2.         Theih chang se maw nunhlui zawng kha,

            Kohkir leh ka nuam e parting vulan;

            Mahse, kir zai reng an rel thei si lo,

            Ngai ve hian ka ring thin kan nunhlui;

            Lenrualduh zaleng zawng te khan.

3.         Zaiin ka chawi zel mai na`ng che,

            Kir zai reng hi maw I rel thei si lo;

            Mahriak a lunglen dawn zai rello ten,

            Aw! Nunhlui zamual I liam ta maw;

            Dam takin aw, mangtha mai le.

 .....................................................................................................

TU DANG RENG NGAI LOVIN      14^th June 1999

1.         Tu dang reng ngai lovin,

            Nangnen runhmunah lengdun ila;

            Ka hringnun duhaisam zawng a kim ngei ang aw duhlai.

Ka tan khuavel I chhingzo ngei aw duhlai,

Tuanna tlangte chu lo dang thin mah se aw duhlai;

Rinawmna kan tiam dun zawng te kha,

I vawng dun zel ang kumtluangin aw duhlai;

Chutin runhmun len dun zai I rel ang.

 .....................................................................................................

AIANG A CHAM           7^th Sept, 2001

1.         Ami zaleng zawng angur nun iangin,

            Lenlai par tlanin hlimten an nui hiau ve;

            Mahriakten lunglam vai in ka dawn thin kei zawng,

            Ka chantawk khuarel hi, min hnemtu ka tawng si lo.

Duhaisam aw lungrun, hmangaihna parmawi ber,

Min hlan ve la bawihte ariang ka lawm ve nan;

Chutin kei ka tan dawnlungruk a kim ngei ang.

2.         Mahse, kei zawng arang vai tur reng hian,

            Khuanun min siam bik alo ni e bawihte;

            Nang tawnni a rei si lo, min dawnpui ve la,

            Ariang ka chan tur hi, kei zawng ka tuarthiam mawlh lo.

3.         Zamual I liamni khan e lungrunpui,

            A ngui ruai a sin kan lenna vangkhawpui;

            Lung ka vai sulhnu chhui in, I sakhmel sensiar leh,

            I ankanem zawng, aiang a cham thinlaian.

4.         A reilo em nang nen kan hlimlaini,

            Nang zawng e lungrun, khuanu leng malsawmin;

            Damten tuan zai rel na`ng che, I thinlairuk kei zawng,

            Ka luahzo si lo, dam takin mangtha mai le.

 .....................................................................................................

VUL ZEL ANG CHE             8^th Feb, 2003

1.         Ka leihringnun duhaisam ber chu nang ngei hi ilo ni e,

            Ka tawnan hian mawi ten vul zel na`ng che aw?

            Hmangaihna zetin par tlan dun chung zelin,

            Runhmun-a lendun hma chuan maw sakhmeltha;

            Rinawmna lamtluang hrut zai I rel dun zel ang aw.

Bihthuder zawng min hlan lo la,

Ka tawnan mawiten aw vul zel ang che;

Tudang ngailo ten hlim leh lawmin,

Dawnthiang par rimtui I tlan dun ang aw.

2.         Ka tan khuanvel I chhingzo ngei hmangaih duhlai ka enchimloh,

Nang khumzotu dang reng an piang tawh nem le;

Khawvel parmawi tinreng pawn an iangzo lo,

Nghilh thei hian ka mawilo khuarei chang mah se

I sakhmel leh nunze mawi, I hlimthla zawng te nen.

..................................................................................................... 

LENGTIN KHUMTU               17^th June, 2001

1.         Mahten lunglen tinkim dawn chang hian,

            Halloten kan lenlaini zawng kha;

            A thar leh thin ka thinlaian,

            Duhaisam mai maw ka chan le.

Aw! Engan kher nge khuanu hian,

Sakhmeltha chuang lentin khumtu;

Kei ka thinlai na tur reng hian,

A lo duan mai che bawihte.

2.         Ana a sin I zun leng ngaih hi,

            Tuarthiam a har kei ka tan lungrun;

            Han dawn ve la ariang chan hi,

            Lunglai I her tak mai le.

3.         Lungrun ka tan I vul ve si lo,

            Hlimten lenlaini parang tlan a;

            Kan len hun tur ka dawnlungruk,

            Thal romei iang an ral ta si.

4.         I sakhmel mawi leh ankanem zawng te,

            Tawn changing thinlai lungruk a hlim thin;

            Dawnglungruk ah I thar zel si,

            Nghilh thei reng hian ka mawi lo che.

 .....................................................................................................

KAN REM DAWN NIA              21^st Feb, 2002

1.         Nunhlui liam hnu ka dawn changing,

            Suihlunglen a zual thin;

Lawma parmawi tuai duhlai;Khawnge maw I tuan tak le,

Ka rawn zawng zel che tlangtin hrut in.

Tuanna tlang dang rih mah se, darang kan intawn leh hma zawng,

Dawnthiang rinawmna vawng dun zel ang aw;

Tawn leh ni a her chhuak ang a,

Hlimten lawina run kan rem dawn nia.

2.         Hmanah hlimten maw nuihiau in,

            Tudang kan ngai bik nem le;

            Tunah zawng maw hlimlaini, kawlang a hnim leh ta si,

            Zaiin ka au na`ng che ka dawntuai.

3.         Kei zawng ka tuarthiam mawlh si lo,

            Dawnkhua zawng a sei ngei mai;

            Sakhmel darang tawn leh ni damten herchhuak leh ang maw,

Dawn chung zelin duhlai mangtha le.

..................................................................................................... 

KA DAWNTUAI            6^th March, 2002

1.         Lei hringnun duhaisam,

Ka dawnlai par duhlai vulmawi  hmeltha;

Dawn ve the angurnun iang a,

Hmangaihna zetin par kan vullai;

Dawnkhua zawng a sei ngei mai,

Kei zawng nghilh thei reng hian ka mawi lo.

Nunhlui liam hnu kei zang ka dawn in,

Suihlunglen kimten a tho leh thin;

Zaiin ka au na`ng che ka dawntuai,

Nang ngaihlai reng ka bang thei si lo.

2.         Turnipui thlangtianga`n,

            Mawiten a herliam a chung chhawrthla pawh;

            A kei leh thin lengtin lawma`n,

            Ka duhlai turnipui iang herliam;

Chhawrthla I iang dawn lawmni,

Ariang kei ka lunglawm ve nan.

3.         Theih chang se nangnen hian,

            Hlimte`n maw lawina run rem ka nuam e;

            Ka tawnah lamang let leh la,

            Lengdang te sirah hnawl in thahniang;

            Sakhmel hlimten nui hiau in,

            Ka lo pawm na`ng che thinlaia`n.

 .....................................................................................................

RINAWMNA LAMTLUANG           21^st March, 2002

1.         Thiamfa mim ang pianna lamtluang,

            Mawiten hrut vel i, chhingkhualah;

            Mahse, hmangaih lungduh ka tawng,

            Riahrun rem pui ka nuam e.

Ka lawman parmawi vullai hmeltha, Tawnloh kar rei mah se,

Rinawmna lamtluang, kallai I rel dun ang aw!

2.         Chun leh zua chu hrang lullo se,

            hmangaihna vullai tawnah hian;

            khuannu lo dil zel na`ng che aw,

            hlimten kan lendun theih nan.

3.         Tunah erawh riahrun rem zawng,

            Ka zuam rih nem le ka dawntuai;

            Hun reilote nghak hram rawh aw,

            Thiamna run belh a tul si.

 .....................................................................................................

LUAITHLI NULIN               23^rd March, 2002

1.         I chinlai unau hal vangin maw,

            Mualzapui I liam a tul tak mai le;

            I zun phurlai hrilh zawng a hai ngei e,

            Engtin tuar zel ang I maw lunglen hi.

Ka lawmlai khawnge I tuan tak le,

Ka suihlunglen tur I dawn law`m ni;

Mualzapui I liam tak mai le,

Zaiin ka au ruai che luaithli nulin;

Mahse, I sakhmel tawn tur reng a awm si lo.

2.         I sakhmel parang lawmlaini zawng,

            A reilo em mai ka duhlai hmeltha;

            Lenna vangkhua kar hla mah se duhlai,

            Hmangaihna rauthlain ka kuah na`ng che.

3.         Ka dawn thui ngam lo nunhlui zawng kha,

            Dawnsei changin luaithli ka nul leh thin;

            Min hnemzo lo chinlai unau zawng ten,

            A zual zel thin nang ngaih suihlunglen hi.

 .....................................................................................................

LANU HMELTHA                   8^th May, 2002

1.         Vanhnuai khuavel zawng zingah hian,

            Nang ang lung min dumtu hi;

Tawng leh thei hian ka inring lo,

            Au in zawt vel mah ila, khumzo reng an awm law`ng e.

Leng zawng zingah ilo hlu chuang ngei e,

Thangkim lanu hmeltha, thadang mi u tawnah parang vul tura`n;

Ka phallo che, ka tawnah parang vil ve la,

Duatten ka pawm na`ng che thinlai a`n.

2.         Nghilh thei reng hian ka mawi lo che,

            Khuarei kumsul vei mah se;

            Sakhmel thachuang lengtin khumtu,

            A relthiam ngei che khuanu`n, mawiten aw vul zel ang che.

3.         A rem lawmni duhlai nang nen,

            Hlimten lawina run rem hi;

            Chhan zai I rel ve dawn lawmni,

            I tello chuan maw thahniang, hlim zai rel a har lua e.

 .....................................................................................................

KAN LAWMPUI CHE               31^st Oct, 2001

1.         Khuanu leng malsawmna zarah,

            Kan thleng ta e I piancham lawmawm;

            Engdang dawn zai reng rel lovin,

            I lawm ang he ni lawmawm hi.

Kan lawmpui che I lenrual zawng ten,

I piancham pha alo thlen hian;

Duhsakna zawng zawng kan hlan che a,

Hlimten I hringnun hmang zel ang che.

2.         Hei ang hlimna ni lawmawm hi,

            I tan malsawmna ni lo ni se;

            Damlai hringnun duhawm tak chu,

            I tan lo herchhuak zel rawh se.

3.         Lenrual zawngte ti hlim thintu,

            Lengtin khumzo I hringnun zemawi;

            Par angin lo vul zual zel se,

            Kan thlir ning lo I lenrual ten.

4.         He ni lawmawm alo thlen hian,

            I damlai hun hrui angin sei se;

            I tan duhsakna sang ber chu,

            Kan hlan nawn leh I lenrual ten.

 .....................................................................................................

REM MAI TEH SE.           28^th April, 2003

1.         Hrilh a hai thin ngei e,

Khuanu ruat loh ‘D’ neih zawng;

Lungrun han dawn ve the kan kara hmangaihna hi,

An hrang lua e, I chun leh zua unaute

Lamang let se an ngaihtuahna thinlung,

Remthu min ban se an hal lai hi;

Eng dang dawn lo reng hian maw,

Muangten leng dun ve ila;

Sih nauang ka nui ve tur

2.         An dawn lo hmangaihna,

Ngur nun iang loh vang zawk nge;

I chun leh zua unau ten min rem theih mawlh silo,

Bawihte I dawn ve thin em ariang chan hi

3.         Aw! Rem ve mai teh se,

I chun leh zua lungdumin;

Hmangaihna par hlim ten athiangin tlan ve ila;

In run chhunga hlim tea ka lawi ve nan.

 .....................................................................................................

AREM TAWH LO                    20^th Oct, 2001

1.         Thainunnem leh hraileng then zai relin,

            Chhingkhualah laisuih zirna run belh a tul si;

            Tahchuan maw ka tawng ta thadang annemi,

            Hmangaih biahthu ban mai ka nap thin.

Mahse maw, ka hringnun hian a rem tawh lo,

Thai leh hrailengte pawm lai a;

Hmangaih biahthu thadang mi u tawna annem a hlan chu,

A pawi em e, darang tawnna khua I tlai hi.

2.         Hmanah parang vula len laini khan,

            Darang lo tawng che ila chuanin e bawihte;

            Ka thai tawnah hian hmangaihna ka hlan lo tur,

            Mahse, min dem lul suh aw bawihte.

3.         Hei chauh hi zawng dil leh na`ng che bawihte,

            Pawmlai thai leh hrailengte tang bel mah ila;

            I thinlairuk rinawmna leh thianghlimna chu,

            Inthian thatna lo chang zawk rawh se.

 .....................................................................................................

I ZUN PHUR                            21^st Oct, 2001

1.         Nghilhni reng awm thei hian ka mawi lo,

            Ankanema biahthu hlan laini zawng kha;

            I cham reng mai thinlai dawnlungruk ah,

            Hlimten len zai rel a har lua e duhlai.

Lenna tlang dang tur hian maw khuanun,

Ariang ka chan tawkah alo duan mai le;

I zun phur hian ka uai nileng thin e,

Rual zawng zawng zingah riang bik tur hian duhlai.

2.         Lenna tlangte dang rih mah se la,

            Ariang val I zun phur hi han dawn ve la;

            Lenrual zawng zingah nauang nui ve a,

            Hlim zai rel ve nan biahthu min ban ve la.

3.         Relthang anka zawng phur mai ta`ng e,

            I zun ngai a suihlunglen vang hian bawihte;

            Aiang I cham reng mai dawnlungruk ah,

            Thinlai zing chhum ang kian zai rel thei lo.

4.         Puanang chul thei reng hian ka mawi lo,

            Uailai I zun ngai hi bawihte ka tawnah;

            I ankanem biahthu nghakin ariang vala`n,

            In runin sumtual ka rawn fang thin e.

 .....................................................................................................

ZOKHAW MAWITU              6^th Nov, 2001

1.         Sakhmel tha chuang bik tur rengan,

            Khuanu leng ruat reng ilo ni e;

            I kimtlang leh sakruang a mawi ngei e,

            Zaleng dang zawng te khum zo tu ngei chu.

Duhaisam zokhaw mawitu chu nang ngei hi,

Ilo ni e zaleng tleitir zawng zing ah;

Nang ang khumzo tu van hnuaiah,

Mimang piang leh hian an mawilo.

2.         A khi zotlangah tuan zai relin,

            I pheihkhai leh chawnban vei mawinen;

            Zamual I liam a tul leh ta si maw,

            Engtin tuar zel ang imaw lunglen hi.

3.         Aw! I sakhmel mawi parang lawma,

            Nauang nuih dun ka nuam thin e;

            Mahse maw a rem tawh mawlh si lo,

            Lenlai ruallo hi a pawi ber mai.

 .....................................................................................................

ANA NGEI E                29^th Sept, 2002

1.         Mahriak awmkhawhar changin,

            Ka dawnkir thin a kan nunhlui te;

            Hlimten nauang nuih lai zan kha,

            Minthlaan a cham reng thin.

Mahse tawnmang an chang zo ta,

Hlimlaini parang vullai ni te;

Hmangaihna leh rinawmna

Hlimthla kei ka tawn ah

Ana ngei mai kir zai reng I rel tawh si lo.

2.         Mahriak ten lunglam vaiin,

            Riahrun ka bel a, tawrhthiam a har;

            Dawnthiang ai in maw dawn phul I,

            Kei ka tan tahna lo ni.

3.         Kei zawng nunhlui mual liam hnu,

            Nghilh hian ka mawi lo, mahse duh lai;

A nem ve ngei ang suihlunglen,

Fam dairial ka chan hun chuan.

..................................................................................................... 

TAWNMANG LALNU             13^th Jan, 2003

1.         Ka leihringnun puanang chul mai tur,

            Nunkhua hnima ngailo ten;

            Piallei hmun khawhar in nghak mai tur,

            Duattin thar a hmangaihna duhaisam tinkim;

            Vulzai reltir tu sakhmeltha,

            Ka tawnan aw vul zel ang che.

Biahthu tinkim hlanin tudang ngailo ten,

Dawnthiang par tlan dun zel ang aw;

Hmangaihna doral hrang hnuai ah pawh,

Rinawmna lamtluang hrutin;

Hlimten riahrun rem zai I rel zawk ang.

2.         Chhunni zawng I tan ka chhiarliam a,

            Zantianga`n maw chhawrthlapui;

            A kai e nghilh I har leh si maw,

            Laikhum belin tawnmangah tuan zai I rel si;

            Ka thinlung leh tawnmang lalnu,

            Lanu hmeltha ilo ni e.

 .....................................................................................................

KA CHHIAR VE NA`NG E      25^th Feb, 2003

1.         Dawnin thinlaia`n a zual leh thin,

            Nangngaih suihlunglen;

            Ka dawnlungruk tuaithing zar,

            Hmawng thing zam iangin maw;

            Min zam vel e I zun lengin.

Nang tello chuan nunkhua a hnim thin e,

Biahzai tinkim nemten min hlan rawh;

Chutin hlimlaini ka chhiar ve na`ng e.

2.         Engdang dawn zai reng ka rel theilo,

            Lungrun nanglo chu;

            Dawnphul chang pawn e duhlai,

            Kei zawng I tawnah hian;

            Siktui iangin ka nem leh thin.

3.         Lengtin khumtu chu ilo ni e,

            Kei ka tawnah hian;

            I sakhmel leh hlimthla mawi,

            I nun zemawi tinkim;

            Vul the se aw ka tawn ah hian.

 .....................................................................................................

HE LEI CHINAH                17^th March 2004

1.         Engdang dawn lova laitual lenlai in maw!

            Tawn ngailoh thadang sakhmel tawngin,

            Lunglai min zam vel, awi! A mawi ngei e,

            Iangzo an awmlo khuavel zawng zingah.

Nang ang khumzotu an awm lo`ng e ka tawnah hian,

Tlangtin mualtin hrut vel mah ila,

Hetiang em a ka lunglai min fantu hi,

An awm lo`ng e he lei chinah.

2.         Ka thinlung ruk dawntui iang a luangliam e,

            Ka tuarzo dawnlo I zun leng ngaih,

            Ka tan khuanu ruat loni mai teh la,

            Tudang lengdang ka ngai bik tawh nem le.

3.         Kei ang hmangaihtu awm thei hian ka ringlo,

            Hmangaihna biahthu tinkim nemten

            Hlan dun ka nuam ngei e bawihte nangnen,

            Chutin hlimlaini ka chhiar ve ngei ang.

.....................................................................................................

HMANGAIHNA KAWNGBO   20^th Dec.2003

1.         Hun kha leh chen sulang kan inzui,

            Hmangaih biahthu timkim nemten ka hlan che a,

            Mahse chhanzai rel lovin maw hnutiang min chhawn le,

            Tawrhthiam ava har ngai em.

Hmangaihna pheichheh ruallo, khuanu ruatloh reng kan loni e,

Kan inkar ah chuan hmangaihna a vul thei mawlh lo a ni e,

Hmangaihna kawngbo ah I ruat zawk mai ang aw?

2.         Ariang lunglaina dawnlo hian maw,

            Lengdang I chhai tak mai le luahloh thadang mi u,

            Ka tan tawrhthiam a har ngai em chantawk khuarel hi,

            Lung zawng a dam thei mawlh lo.

3.         Ami lengdang par tlan hnu in maw,

            Biahthu min hlan mai le, a pawi em e lungrun,

            Lengdang tawnan ka vul tawh si, ngaithiam hram rawh aw,

            Arem tawh lo a ni e.

Sakruang chauh maw inzui in, dawnlungruk erawh lengdang tawnah,

Chhemdam thli iangin a leng e, tlangtin mualtin hrut velin maw,

Kawitin ruamtin a fang, engtin leng zel ang maw!

 .....................................................................................................

 CHANTAWK KHUAREL - Ka liam mai ta'ng e        6^th April 2002

1.         Ka dawnkir thin kan nunhlui,

Sakhmel hlimten nauang nuihlai a

            Hmangaihna biahthu min hlan zawng kha

            A der mai maw lo ni le, Kei ka tuara`n ana lua e duhlai.

Ka liam mai ta`ng e enchimloh,

Chantawk khuarel hi tawrhthiam a har em mai

Duhlai hei chauh hi zawng dil leh na`ng che

I lungngaihni chuan min han hrechhuak ve thin ang che aw.

2.         Ariang suihlunglen vang hian

Chhingkhual ka rawn chang in vangkhua ah,

Mahse tawnloh katr reilo te a`n

Lunglai I her tak mai le, Ka thinlaina ti zualtu mai ilo ni.

3.         I tan ka tawrhna zawng te

            Zantiang tawnmang iang an changzo ta

            Hlimten lenzai rel a har lua e

            Luahloh D zun a uai chu, Tahkhua ti sei tu mai anlo ni e.

4.         Awle! Luahloh D hmeltha, I lunglai hnemtu D nen chuan maw

            Hlimten nauang nuih zai rel ta la

            Kei pawn chantawk khuarel chu,

 Damten nghahzai ka rel ve mai ta`ng e.

..................................................................................................... 

KAR MAH HLA SE     5^th May 2002

1.         Mahriak awmkhawhar changing,

            Ka thlir vel thin zolentu zing riai

            Kar a hla ka D siang lawina run

            Min han dawn ve maw ariang vala hi

            Ngaihlai ka bang thei mawlh si lo

Lenna vangkhua kar mah hla se, Aiang a cham thinlaia`n

Duhthu aiang sam zel nang e, Hlimten kan lendun theih nan

Puanang chul hian an mawi silo, Hlimteen kan lenlaini te.

2.         Ka dawnkir thin nunhluite

            A zual leh thin dawnlai D ngaih hi

            Lunglen biahthu zaiin chawi na`ng e

            Kar mah hla se hmangaih thaikawi biahthu

            Nemten thlunzai rel zel na`ng e.

3.         Theih chang se chungmu iangin

            Ka D lenna tlang hrut velin maw

Len ka nuam Thahniang darang tawn nan

Chutin maw hlimzai ka rel ve ang a

Tudang ka ngai tawh bik nem le.

.....................................................................................................